Studimi - Islami po rritet më shpejt se çdo fe tjetër në botë
16/03/2017 - 9:25

Feja e islamit po rritet shumë më shpejt se çdo besim tjetër. Sipas projeksioneve në 2070 feja e islamit do t’ia kalojë dhe besimit të krishterë dhe do të bëhet besimi më i përhapur në të gjithë botën.

Aktualisht feja islame është besimi i dytë më i madh në botë, pas fesë së krishterë. Por kjo mund të ndryshojë nëse trendi aktual demografik vazhdon, sipas një studimi të përgatitur nga Pew Research Center, një organizatë me qendër në Washington D.C, e cila merret me studimet e trendeve demografike të  popullsisë. 

Në 2010 Indonezia konsiderohej si shteti me popullsinë më të madhe myslimane, 205 milionë banorë, por në 2050 do të jetë India shteti me popullsinë më të madhe myslimane, 311 milionë banorë.

Popullsia kristiane në Britaninë e Madhe dhe Francë do të bjerë me 50 % dhe 10% e popullsisë në Europë parashikohet të jetë e besimit mysliman në 2050. Në Shtetet e Bashkuara 1 në 50 banorë do të jenë myslimanë në 2050, raporton BBC

Në 2010 numëroheshin 1.6 miliardë myslimanë, ose 23.2 % e popullsisë në botë. Peë thotë se kjo përqindje mund të rritet në 29.7 %  në 2050 dhe me 34.9 % në 2100

Përkundër kristianëve që në 2010 përbënin 31.4 % të botës dhe në 2100 do të përbëjnë 33.8 %.

/Oranews.tv/

Të parët për lajmin e fundit. Ndiqni Oranews.tvFacebook dhe në Twitter

Artikull i Rekomanduar:
SHBA akuzon dy spiunë rusë për vjedhjen e 500 mln llogarive Yahoo

Close