ILO paralajmëron trazira sociale: Eurozona po vuan papunësinë dhe varfërinë
10/04/2013, 14:40
" frameborder="0" allowfullscreen>

Ndërsa papunësia në Eurozonë vazhdon të rritet dhe politikat e kursimit janë në një rrugë pa krye, rreziku për trazira sociale është shtuar.

Të paktën kështu thotë Organizata e OKB-së për punën, ILO. Ajo paralajmëron për rrezikun e kursimit, që harron tregun e punës.

“Kur papunësia është kaq e lartë sa aktualisht, kur varfëria zgjerohet dhe mbrojtja sociale keqësohet, atëherë shtohet rreziku i trazirave sociale” thotë Miguel Angel Malo,

Në një raport të fundit të ILO-s  teza kryesore   është se trazirat sociale kanë më shumë gjasa të ndodhin. Një tjetër tezë e pashprehur është se  zhvillimet ekonomike  po e ndajnë Evropën.

Sipas të dhënave të OKB-së, aktualisht ka 26,3 milionë tëpapunë, rreth 10 milionë më shumë se pak pas shpërthimit të krizës në vitin 2008. Pra, në përgjithësi tregjet e punës të Evropës paraqiten më keq se sa para krizës.  Vetëm pesë vende kanë kuota më të larta punësimi se në vitin 2008 dhe këto janë Austria dhe Gjermania, Hungaria, Luksemburgu dhe Malta.

Kuota e papunësisë në BE është 10,9 përqind, 4.1 përqind më e lartë se niveli i krizës. Kjo  ndodh në një kohë kur papunësia në eurozonë u rrit madje më shpejt se sa në pjesën tjetër të BE, duke arritur në shkurt 2013 një kulm historik prej 12 përqind. Gjithnjë e më shumë të papunë, pra, dhe meqenëse në tregje ndodh aktualisht shumë pak, që konkurojnë për gjithnjë e më pak vende pune.

Në bazë të të dhënave ILO thotë se rreziku i trazirave sociale është rritur në Qipro, Greqi, Itali, Portugali, Spanjë, Slloveni dhe në Çeki. Ky rrezik nga ana tjetër është ulur në Gjermani, Finlandë, Belgjikë, Sllovaki dhe në Suedi.

 

Të parët për lajmin e fundit. Ndiqni Oranews.tvFacebook dhe në Twitter

Komento

Current ye@r *