Emigrantët përleshen me ushtarët, videoja bëhet virale
08/08/2017 - 12:20

Kjo video që tregon një konfrontim midis ushtarëve italianë dhe emigrantëve në rrugën e Napolit, është bërë virale. Në video, ushtarët duket se arrestojnë një person, përpara se të ballafaqohen me shumë të tjerë, të cilët përpiqen të rrëmbejnë të arrestuarin.

Video grabitëse u postua në grupin e Komitetit Quartiere Vasto (Komiteti i Distriktit Vasto) në Facebook, duke përfaqësuar banorët që jetojnë në zonën e Vastos në Napoli.

Emigranti mendohet të jetë nga Afrika dhe të tjerë i vijnë në ndihmë. Nuk është e qartë se për çfarë arrestohet burri, por incidenti ka provokuar një reagim të mprehtë të banorëve lokalë.

“Të braktisur dhe të tradhtuar”, shkruan personi që postoi videon fillimisht, Lello Cretella.

“Episodet si këto ndodhin çdo ditë në lagjen tonë dhe të gjithë pretendojnë të mos i shohin!”

“Ne ndihemi të vetmuar dhe të braktisur … kemi frikë për ne dhe për familjet tona!”

Që kur u ngarkua të dielën, videoja është ndarë nga qindra përdorues, përfshirë politikanë të krahut të djathtë si Matteo Salvini.

“Burrat në ushtrinë tonë janë të rrethuar dhe sulmuar nga dhjetëra emigrantë që donin të parandalonin arrestimin e njërit prej tyre,” shkroi ai. “Tani jemi në luftë urbane.”

/Ora News.tv/

 

Të parët për lajmin e fundit. Ndiqni Oranews.tvFacebook dhe në Twitter

Komento

Read previous post:
Helikopterët e Vivas shuajnë zjarrin në pyjet e Rrogozhinës

Close