Zyrtare/ Gabriele Gravina zgjidhet president i Federatës Italiane të Futbollit
Ish-shefi i Lega Pro, Gabriele Gravina është zgjedhur si presidenti i ri i Federatës Italiane të Futbollit.
Gravina fitoi zgjedhjet e zhvilluara këtë të hënë, duke marrë 97.2 % të votave të asamblesë zgjedhore. Duhet të kujtojmë që Gravina ishte kandidati i vetëm për të zëvendësuar Carlo Tavecchio.
65-vjeçari ishte më parë në krye të Lega Pro, që korrespondon me Serie C italiane.
Gravina është gjithashtu i njohur në Itali për mandatin e tij si President i Castel di Sangro, duke udhëhequr ekipin në pesë pjesëmarrjet në Serie B në mes viteve 1984 dhe 1996.