Investitorët e mëdhenj në turizëm, do të kalojnë në sitë dhe ata që janë dënuar më herët për krime të rënda nuk do të mund të përfitojnë lehtësira fiskale apo fonde publike. Ky kufizim në ligj vjen disa muaj pasi në ligj u vendos që gjithë investitorët që ndërtojnë hotele me katër deri në pesë yje, të përfitojnë lehtësira të ndjeshme fiskale.  

Disa muaj më parë, parlamenti ndryshoi ligjin për turizmin, duke përjashtuar nga disa detyrime dhe ulur ndjeshëm taksat për ata që investojne në hotele me mbi 4 yje.

Pak muaj më vonë ky ligj është rikthyer në Kuvend, me synimin që gjithë investitorët të kalojnë në sitë dhe ata kanë qenë të dënuar për krime të rënda, përjashtohen nga kategoritë e përfitimit.

"Arsyeja kryesore e këtij ndryshimi është për të përjashtuar ndoshta pastrimin e parave. Për të përjashtuar burime jo të ndershme financimi, për të përjashtuar konkurrencën e pandershme. Në një farë mënyre, po përpiqemi të filtrojmë të gjithë investitorët".

Po cilët janë kategoritë e biznesmenëve që përjashtohen me ligj për të përfituar lehetësira fiskale apo tendera publik?

Eglantina Gjermeni: Pjesmarrje në grup të strukturuar kriminal, në organizatë kriminale, bandë e armatosur, organizatë terroriste, korrupsion, mashtrim, pastrim parash ose financim i terrorizmit, vepra me qëllime terroriste, etj.

Drafti që u miratua në Komisionin e Veprimtarisë Prodhuese,  nuk u heq të drejtën biznesmenëve, të cilët më herët kanë vuajtur dënim për krime të rënda,  të investojnë në turizëm, por ata përjashtohen  vetëm nga përfitimi i lehtësirave fiskale apo i përfitimit të fondeve publike.



/Ora News.tv/