Miliarderi Jeffrey Epstein firmosi testamentin e tij dy ditë para se të vetëvarej në burgun e Manhattanit.  Avokatët e Epsteinit, Darren K. Indyke dhe Richard D. Kahn, u emëruan si ekzekutivë kryesorë të pasurive dhe pritet të marrin nga 250,000 dollarë të pasurisë 577 milion dollarë për përpjekjet e tyre.

Por dokumenti tregon se menaxheri gjithashtu futi edhe një tjetër në testament, në rast se Indyke dhe Kahn nuk mund të kryejnë detyrat e tyre: Boris Nikoliç, një imunolog dhe sipërmarrës bioteknologjik.

Thuhet se Nikoliç "u trondit" kur mësoi se ishte i listuar në testament, gjë që tregon që e gjithë prona personale e Epsteinit duhet të shkonte tek besimtarët e një entiteti misterioz të quajtur Trusti i 1953.

"Unë nuk u këshillova për këto çështje dhe nuk kam qëllim t'i përmbush këto detyra," tha ai në një deklaratë për Bloomberg.

Epstein vrau veten në qeli në 10 gusht, pasi po qëndronte në pritje të nisjes së gjyqit kundër tij.

Financieri i suksesshëm akuzohej se në veçanti në periudhën 2002-2005 kishte joshur me dhjetëra vajza, disa prej të cilave të mitura dhe se i kishte detyruar ato të kryenin marrëdhënie seksuale bashkë me personazhe të tjera të njohura të shoqërisë së lartë amerikane dhe jo vetëm.

/Ora News.tv/