Sulmohet ministria e Informacionit, 7 të vdekur
Nga OraNews Përditësimi i fundit 20 Prill 2019, 18:08
Shtatë persona u vranë në Afganistan nga një sulm ndaj ministrisë së Informacionit.
Shpërthimi u dëgjua rreth orës 11:40 me orën lokale. Ndërsa burime nga ministria thonë se një prej autorëve u fut brenda ndërtesës.
Sulmi vjen një ditë pasi bisedimet midis zyrtarëve afganë dhe talebanëve u pezulluan, por talebanët thanë se nuk ishin pas sulmit.
Mes viktimave ishin katër civilë dhe tre oficerë policie, ndërsa tetë civilë të tjerë u plagosën.
Edhe pse në Kabul vazhdojnë luftimet, ky sulm vjen pas disa muajsh qetësie.