Starton festivali nën moton “Promovo Shqipërinë tënde”
Në Berat startoi për të tretin vit radhazi, festivali multikulturor. Për tre netë me radhë, përveç koncerteve, do të promovohet tradita e trashëgimia, përmes panaireve me produkte artizanale, etj.
Ka startuar në qytetin e “një mbi një dritareve” edicioni i tretë i Festivalit “Berati Multikulturor”, i cili do të mbahet nga data 21-23 korrik në qytetin e Unesco-s.
Festivali do të ngjisë në skenën e qytetit muze për tre netë artistë të njohur të skenës së muzikës shqiptare. Muzika, atmosfera festive, tradita e trashëgimia, koncertetet, panairet, ekspozitat me të ftuar nga vendi dhe bota do të jenë pjesë e këtij festivali të mbështetur nga Ministria e Kuklturës, për të përcjell mesazhin “Promovo Shqipërinë tënde”.
Pjesë e “Beratit Multikulturor” do të jenë dhe Panairi i Librit dhe Agrobiznesit, si edhe ekspozita dhe forume për promovimin e trashëgimisë kulturore.
/Oranews.tv/