Peshkopët katolikë në SHBA  i kanë thirrje Vatikanit për një hetim të pavarur pas raporit tronditës të prokurorëve, sipas të cilit  mbi 300 priftërinj abuzuan me fëmijët në një shtet të SHBA-së.

Kërkesa e Konferencës Amerikane të Peshkopëve Katolikë vjen pasi zyrtarët zbuluan se mbi 1.000 fëmijë u abuzuan seksualisht nga kleri në Pensilvani. 

Ky është hetimi më i madh i bërë ndonjëherë në SHBA.

Kardinali Daniel DiNardo, president i grupit, e quajti skandalin një "dështim të udhëheqjes episkopale".

Raporti nga një juri e madhe e Pensilvanisë zbuloi se 301 priftërinj abuzuan fëmijët në shtet gjatë 70 viteve të fundit.

Gjithashtu zbuloi se disa abuzues dhe ata që mbulonin krimet e tyre më vonë u ngritën në role të larta në kishë.

Zyrtarët e Vatikanit janë nën presion për të komentuar gjetjet e raportit.

Kardinali DiNardo i Teksasit tha në një deklaratë të enjten - dy ditë pasi raporti u lëshua - se kisha tani është "e ballafaquar me një krizë shpirtërore që kërkon jo vetëm konvertimin shpirtëror, por ndryshime praktike për të shmangur përsëritjen e mëkateve dhe dështimeve që janë kaq të dukshme në këtë raport të fundit ".

Ai tha se komiteti ekzekutiv i Konferencës Amerikane të Peshkopëve Katolikë (USCCB) kishte përvijuar tre synime për të parandaluar abuzimin e mëtejshëm dhe për të dënuar "grabitqarët në Kishë dhe këdo që do t'i fshehte".

USCCB tha se do të zgjeronte mekanizmat e raportimit të palës së tretë që tashmë ekzistojnë në disa dioqeza për viktimat e abuzimit.

Ai u zotua për të përmirësuar procesin e ankesave, për ta bërë atë "më të shpejtë, të drejtë dhe transparent dhe të përcaktojë se cilat kufizime mund t'u imponohet peshkopëve në çdo fazë të atij procesi".

/Ora News.tv/