Skandali me ilaçet, Sindikata dhe Urdhri i Infermierëve: Tenderat i bën Ministria

Skandali me ilaçet, Sindikata dhe Urdhri i Infermierëve: Tenderat i

Kreu i Sindikatës së Shëndetësisë në Shkodër, Paolo Kaceri dhe kreu i Urdhrit të Infermierëve Imir Hoxha e kanë cilësuar të paprecedentë arrestimin  e personelit mjekësor të spitalit të Shkodrës.

Në një prononcim për mediat, Kaceri tha se situata  është e pazakontë dhe secili prej tyre ndihet i kërcënuar.

Ai tha se përgjegjësitë për faturat financiare të tenderave të barnave dhe pajisjeve mjekësore duhet të kërkohen tek Ministria e Shëndetësisë.

Kaceri: Këtu nuk ka faj asnjë me ik, a e shikoni gjendjen si është? Arrestohen mjekët si të ishin kriminelë, kriminelët vetë i marrin për dore dhe i sjellin ndërsa mjekët arrestohen dhe sillen me forca policore. Cilitdo prej nesh mund ti vihen prangat pasi secili prej nesh ka qenë pjesë e komisioneve të ngritura nga Drejtoria ku të gjithë tenderat e kësaj natyre janë bërë nga Ministria.Prokuroria duhet të shkojë dhe të shohë Ministrinë e Shëndetësisë dhe jo të kap infermierët dhe mjekët për këtë punë. Ne nuk jemi që të mos zbatohet ligji, nuk jemi në mbështjetje të atyre që vjedhin. Por prokuroria të marrë masa mirë se ku do ta çojë imazhin e këtyre personave.

Të njëjtin qëndrim ndau dhe kreu i Urdhrit të Infermierëve Imir Hoxha. Sipas tij, infermieri i arrestuar Renato Kepi nuk ka pse të mbajë përgjegjësi për firmën e hedhur pasi nuk është teknik.

Hoxha: Në atë Komision ai nuk ka firmosur si teknik por thjesht si infermier dhe nuk duhet të mbajë përgjegjësi sa i përket faturës financiare apo problemeve të tjera të kësaj natyre, ai është thjesht një infermier.


EMISIONET