Është përuruar në Tuz, stacioni i përbashkët hekurudhor Shqipëri-Mali i Zi, ku i pranishëm ishte edhe ministri i Infrastrukturës dhe Energjisë Damian Gjiknuri. Duke e vlerësuar si modelin e vetëm në rajon, Gjiknuri tha se hapja e këtij stacioni është një sukses i përbashkët i palës shqiptare dhe malazeze.

Gjiknuri: Është një shembull i mirë që kjo pikë e përbashkët e përpunimit të mallrave dhe e regjimit doganor dhe policor duhet të jetë për të gjitha pikat që ka Shqipëria me Malin e Zi. Ajo çka më pëlqeu është sepse një funksionim shumë i mirë për të gjithë transportin hekurudhor që meriton më shumë vëmendje.

Teksa vizitoi ambientet e bredshme në pikën kufitare të Tuzit, ministri Gjiknuri e vuri theksin edhe tek nevoja për thellimin e bashkëpunimit mes operatorit malazez Montecargo dhe atij shqiptar Hekurudha Shqiptare.

Gjiknuri: Së bashku me Malin e Zi do të aplikojë për projekte të përbashkëta në mënyrë që të gjitha nyjet tona të përbashkëta, si transporti hekurudhor dhe ai rrugor të jenë më eficentë.

Në pikat e kontrollit kufitar në Tuz ku tashmë janë vendosur përfaqësues të doganës, policisë dhe hekurudhës së dy vendeve. Stacioni i përbashkët pritet të shtojë edhe fluksin e shkëmbimit të mallrave mes dy vendeve, duke thelluar kështu edhe bashkëpunimin ekonomik Shqipëri-Mal i Zi.

/Ora News.tv/