Teuta vazhdon të tregojë një formë të kënaqshme në kampionat, me durrsakët që pas fitores 4-0 ndaj Kastriotit ngjiten në vendin e dytë me 32 pikë. Një 3 pikësh që ka kënaqur teknikun e bregdetarëve, Bledi Shkëmbi, i cili pavarësisht vendit komod në klasifikim, nuk beson ende te titulli.

"Unë mendoj se Teuta e ka objektiv akoma daljen në Kupat e Evropës. Ne duhet të bëjmë maksimumin javë pas jave që të marrim sa më shumë pikë. Në ndeshjen e ardhshme kundër Laçit synojmë që të bëjmë një paraqitje të mirë dhe ta fitojmë ndeshjen.

Merkato? E kam thënë dhe më parë se do vijë një futbollist që është shumë më i mirë se këta lojtarë, në të kundërt nuk do ofrojmë asnjë lojtar."-deklaroi Shkëmbi.

/Ora News.tv/