Shiu dëmton qershitë në Elbasan
Reshjet e ditëve të fundit kanë dëmtuar kulturën e qershisë. Fermerët në Elbasan thonë se prodhimi është kalbur ndaj kërkojnë ndihmën e qeverisë.
Këtë pranverë moti nuk ka qenë përkrah fermerëve, kryesisht atyre që kultivojnë qershi.
Në disa prej fshatrave të Elbasanit, reshjet e ditëve të fundit kanë dëmtuar prodhimin.
Fermerët, të cilët jetojnë me këtë kulturë, thonë se këtë vit do ta kenë të pamundur të fitojnë lekët e investuara.
Ata kërkojnë që shteti ti ndihmojë me subvencione.
Reshjet kanë ndikuar edhe në cilësinë e qershive këtë vit, gjë që ka detyruar fermerët të ulin çmimin e tyre.