Pentagoni vlerëson se modernizimi i flotës ajrore të avionëve F-35 deri në vitin 2024, do t'i kushtojë vendit rreth 16 miliardë dollarë, tha të mërkurës një ligjvënës amerikan, duke cituar të dhënat e Pentagonit mbi programin jetësor.

F-35, i cili është prodhuar nga Lockheed Martin Corp, ka qenë prodhuar fillimisht në vitin 2006, por do të duhen shpenzime të tjera për modernizimin e tyre. Më shumë se 270 avionë fluturojnë aktualisht.

F-35 është kritikuar gjerësisht për shkak se është shumë i shtrenjtë, përfshirë edhe presidentin Donald Trump dhe zyrtarë të tjerë të SHBA-së, të cilët gjithashtu kanë theksuar vonesat e shumta të prodhimit dhe tejkalimet e kostos. E mërkura ishte hera e parë që u bë një vlerësim konkret për modernizimin e flotës ajrore prej 16 miliardë dollarësh.

Shpenzimet e modernizimit do të ndahen midis $ 10.8 miliardë për zhvillimin e softuerit dhe 5.4 miliardë dollarë për vendosjen e përditësimeve dhe prokurimeve të tjera në mbështetje të përpjekjeve të modernizimit, tha Përfaqësuesi Niki Tsongas në një seancë të nënkomisionit të Komitetit të Shërbimeve të Armatosura të Dhomës së Përfaqësuesve.

Nënadmirali Mathias Winter dha disa detaje mbi programin e modernizimit.

"Përmirësime të vazhdueshme do të bëhen për të rritur aftësitë që e bëjnë F-35 më vdekjeprurës dhe të fortë", tha Winter për panelin.

Zyrtarët amerikanë thanë se Lockheed Martin ka bërë përparim në shkurtimin e kostove që nga një ristrukturim i madh i prodhimit F-35 në vitin 2010.

Shifra gati 16 miliardë dollarë përfaqëson kufirin e jashtëm të kostove të modernizimit për të sjellë të gjitha avionët në potencialin e tyre maksimal të njohur aktualisht si "Blloku 4", u tha Winter gazetarëve. Pentagoni ishte i pasigurt se të gjithë F-35s do të duhej patjetër të kalonin këtë nivel të modernizimit.

/Ora News.tv/