Nëntë mijë qytetarë kanë deklaruar të ardhura individuale vjetore mbi 2 mln në vit për 2018. Administrata tatimore deklaron se në krahasim me një vit më parë ka pasur rritje të numrit të individëve që kanë bërë këtë deklaratë.

Rozana Çelmeta përgjegjëse e sektorit te Shërbimit në Tatime thekson se janë 1 mijë persona më shumë që kanë plotësuar këtë deklaratë.

"Numri i deklaratave për vitin 2018 është 12% më i lartë sesa numri i individëve të vitit të kaluar" u shpreh zonja Çelmeta.

Po ashtu edhe shuma e detyrimit të deklaruar për t'u paguar, si diferencë, për vitin 2018, llogaritet të jetë 75% më shumë.

Administrata tatimore thekson se rritja e deklarimit të ardhurave ka ardhur më tepër si rezultat i ndërgjegjesimit për të pasur të justifikuara të ardhurat.

/Ora News.tv/