Rrëzohen propozimet e LSI-se per arsimin, Opozita ikën

Rrëzohen propozimet e LSI-se per arsimin, Opozita ikën

Protesta e studentëve solli në parlament edhe disa deputetë të opozitës.

Luçiano Boçi, Romeo Gruakuqi, Izmira Ulqinaku, Valentina Duka dhe Ervin Salianji nga PD së bashku me Petrit Vasilin, Luan Ramën, Kejdi Mehmetaj dhe Floida Kërpaçin nga LSI erdhën në seancën plenare për të mbrojtur amendamentin për të ndryshuar buxhetin në mënyrë që të rriten fondet për arsimin.

Pas fjalës së tij deputeti Luciano Boci i hodhi kryeministit letra ku shkruhej ligji për arsimin e lartë, duke nënkuptuar dështimin e këtij ligji.

Boçi: Bëj thirrje që së bashku ta abrogojmë dhe nqse kemi dëshirë dhe vullnet ligjin e arsimit të lartë.

Të njëjtin veprim e bëri pak më vonë edhe deputeti Ervin Salianji, pasi nuk arriti të marrë fjalën në parlament.

Pa dijeninë e PD u shfaq edhe deputetja Rudina Hajdari, e cila krahas mbështetjes për protestën fajësoi klasën politike për gjendjen e arsimit.

Hajdari: Të pastrojmë këtë kastë politike dhe ta ndryshojmë këtë vend. Doni ndryshim për studentët? Ndryshoni auditorët, kapni ata pedagogët aty.

Propozimi i LSI u rrëzua nga deputetët e shumicës me argumentin se tashmë ky ligj pret dekretin e presidentit dhe nuk mund të ndërhyjnë në të.

LIVE/ Studentët tek Kuvendi: Nuk lëvizim që aty! Ne nuk kemi frikë!



EMISIONET