Rindërtohet skema e vrasjes së Ivanoviç, krimi u krye brenda 3 minutave

Rindërtohet skema e vrasjes së Ivanoviç, krimi u krye brenda 3

Në lidhje me vrasjen e liderit të iniciativës qytetare “Liria, Demokracia dhe Drejtësia”, Oliver Ivanoviç, kanë dalë informacione zyrtare dhe jo zyrtare qoftë në mediat e Kosovës, por edhe në ato të Serbisë. 

Në bazë të informacioneve të marra, gazeta "Blic" në Serbi ka rindërtuar edhe njëherë skemën e krimit ku mbeti i vrarë politikani serb në Kosovë.

Deri tani ekzistojnë dy teza për vrasjen e Ivanoviç. 

Gazeta "Blic" thotë se sipas teorisë së parë vrasësit ishin duke pritur në rrugë përpara hyrjes së selisë së partisë që Oliver Ivanoviç drejtonte. Thuhet se autorët kanë qëlluar në drejtim të politikanit fillimisht nga larg, duke e rrëzuar atë në tokë. Më pas atë i janë afruar trupit të tij dhe e kanë qëlluar përsëri një ose dy herë. 

Pas krimit autorët janë larguar me automjet në drejtim të paditur. Sipas mjekti në trupin e Ivanoviç u gjetën pesë plumba. 

Sipas një teorie tjetër, vrasësit e liderit serb të Kosovës ishin duke pritur në makinë dhe që prej aty qëlluan në drejtim të Oliver Ivanoviç. Kjo hipotezë është ngritur mbi bazën e të dhënave të prokurorit të Kosovës, i cili tha për mediat e Kosovës se ai u qëllua nga një automjet në lëvizje. 

Sipas deklaratave të avokatit të Ivanovic, kreu i SDP u godit nga prapa të paktën pesë herë dhe po sipas avokatit ai kishte vdekur në vend. 

Bazuar në informacionet e marrë nga policia, por edhe nga dëshmitarë në vendin e ngjarjes nuk janë dëgjuar të shtëna.

Disa informacione të tjera, ende të pakonfirmuara thonë se autori ishte i maskuar, i veshur me një kapuç të zi dhe me xhaketë të zezë. 

Gazeta "Blic" shkruan se i gjithë krimi u krye brenda 3 minutave. Ekipet mjekësore thonë se ai u paraqit në spital në orën 08:18 minuta, ndërkohë që vrasja ndodhi në 08:15 dhe sipas mjekëve ai vdiq në orën 09:15. 

Ndërkohë, pas krimit policia gjeti afër vendit të ngjarjes një automjet "Opel" që dyshohet se i përket autorit/ ve të  vrasjes së Oliver Ivanoviç. 

Materiali u mor nga gazeta Blic.rs https://www.blic.rs/vesti/hronika/rekonstrukcija-ubistva-olivera-ivanovica-citav-zlocin-odigrao-se-za-manje-od-tri/cwf5y15

Përgatiti Ermir Xama

EMISIONET