Disa nga protestat antiqeveritare që po ndodhin në qytetet iraniane janë kthyer në shfaqje dhune.

Dy nga demonstruesit në Dorud në Iranin Perëndimor kanë pësuar plagë me armë zjarri. Video të filmuara gjetkë në vend tregojnë protestuesit që vendosin zjarr në një automjet të policisë dhe ka njoftime për sulme ndaj ndërtesave të qeverisë.

Kjo është protesta më e madhe e mospajtimit që nga tubimet e mëdha pro-reformes në vitin 2009.

Demonstruesit kanë injoruar paralajmërimin nga ministri i brendshëm i Iranit për të shmangur "tubimet e paligjshme".

Ka njoftime të pakonfirmuara se dy protestuesit që u qëlluan në Dorud kanë vdekur.

Në qytetin Abhar në Iranin e veriut, demonstruesit i kanë vënë zjarrin flamujve të mëdhenj që mbajnë figurën e udhëheqësit suprem të Iranit Ajatollah Ali Khamenei.

Ndërkohë në Arak në Iranin qendror, protestuesit thuhet se i kanë vënë zjarrin selisë lokale të milicisë pro-qeveritare Basij.

Në kryeqytetin Teheran, një numër i madh i protestuesve po konvergojnë në sheshin Azadi, raporton BBC, policët dhe forcat e  sigurisë duket se janë tërhequr.

/Ora News.tv/