Velipoja tashmë do të ketë një qendër të re shëndetësore. Ministrja Manastirliu tha se do të ofrohet shërbim me standarde të larta për banorët dhe turistët. Gjatë inspektimit Ministrja prezantoi edhe planin e masave për sezonin turistik.

“26 qendra shëndetësore do të jenë të hapura 24/7 për turistët gjatë këtij sezoni veror, me 60 mjekë dhe 80 infermierë personel shtesë, për të siguruar shërbim në kohë, afër vendpushimit të qytetarëve. Çdo qendër shëndetësore do të jetë e pajisur me barnat dhe materiale mjekësore të nevojshme për çdo emergjencë”, tha Manastirliu.

Qendrat shëndetësore verore do të jenë të përforcuara edhe me shërbimin e urgjencës në territor.

“Falë investimit në 37 autoambulanca të reha që i janë shtuar flotës së urgjencës mjekësore, sigurojmë shërbim më të shpejtë dhe më cilësor për qytetarët dhe turistët gjatë këtij sezoni veror”, u shpreh Ministrja Manastirliu.

Plani i masave për sezonin veror përfshin edhe kontrollet e Inspektoriatit Shtetëror Shëndetësor para dhe gjatë sezonit.

/Ora News.tv/