Përmirësohet moti, Seria A luan sot ndeshjet e prapambetura
Kampionati italian kthehet këtë fundjavë për të rikuperuar dy takime të vlefshem për javën e 3-të dhe 12-të, takime këto që janë shtyrë për shkak të kushteve atmosferike jo të favorshme.
Duke filluar nga ora 18:30 në "Olimpiko" Lacio pret Udinese-n për të zhvilluar takimin e vlefshëm për javën e 12-të të Seria A.
Të dyja skuadrat vijnë pas një periudhe pozitive.
Lacio e teknikut Inzaghi e ka nisur me goleada vitin 2018, 2-5 kundër SPAL dhe 5 me 1 ndaj Chievo-, rezultate këto që e kanë ngjitur në vendin e 3-të të Seria A.
Nga ana tjetër, Udinese nuk pëson humbje prej 7 javësh duke grumbulluar dhe 17 pikë.
Duel interesant dhe në "Luigi Ferrara" mes Sampdorias së vendit të 6-të dhe Romës një pozicion më lart se Samp.
Takimi i programuar të luhet në javën e tretë të Seria A, zhvillohet sonte, duke filluar nga ora 20:45.