Pedagogët e Fakultetit të Historisë dhe Filologjisë do të hyjnë në grevë  ditën e hënë, duke përshkallëzuar qëndrimin e tyre.

Mark Marku: Një grevë paralajmëruese një ditore të pedagogëve ditën e hënë, ndërkohë që do ti bëjmë një kërkesë të gjithë Asambleve për një takim të përbashkët për të vendosur për hapat e mëtejshëm.

Vendimi u mor në unanimitet në mbështetje të studentëve protestues, ndërsa kërkesa që do ti adresohet Ministrisë së Arsimit do të jetë rrëzimi i ligjit të arsimit të lartë.

Sipas pedagogëve, ai cënon autonominë e Universiteteve.

"Po nuk reaguam si stafe akademike, patjetër dhe studentët që i mbështesin, nuk ka më autonomi dhe liri akademike në rang të Universitetit publik".

Ndërkohë studentët vijuan edhe ditën e premte bojkotin e mësimit.

"Unë e konsideroj çështje durimi, kush ka më shumë durim ne apo Kryeministri. Kjo që po bëjmë tani na favorizon sepse ne jemi brenda në Fakultet dhe nuk kemi pse dorëzohemi".

"Studentët e duan mësimin por nuk mund të vazhdosh të bësh mësim në një situatë të tillë".

Të tjerë u paraqitën për të zhvilluar mësim.

"Mësimi u zhvillua në kushte normale, kishte prezencë studentësh".

Por edhe për tu informuar për bursat dhe tarifat.

"Jemi për të marrë dokumentacionin që duhet për të fituar bursën".

Nga ana tjetër, kryeministri Edi Rama në një bisedë telefonike të zhvilluar me studentët u shpreh i vendosur për të mos ulur tarifat e masterit.

"Jo vetëm të ngujoheni por të dilni kush e di pas sa vitesh që aty, tarifat e masterit nuk përgjysmohen".

/Ora News.tv/