PD kallëzim penal Denar Bibës: Drejtoi skemën mafioze të manipulimit të numrit të votuesve

PD kallëzim penal Denar Bibës: Drejtoi skemën mafioze të

Deklaratat e KQZ për pjesëmarrjen në votimet e 30 qershorit, sipas PD janë të manipuluara. Për këtë shkak Gazmend Bardhi ka paditur penalisht nënkryetarin e KQZ duke e akuzuar për vënien në zbatim të një skemë mafioze.

Partia Demokratike do të depozitoi kallëzim penal për trupën e majtë në Komisionin Qendrorë të Zgjedhjeve. Sekretari i Përgjithshëm Gazmend Bardhi, thotë se Denar Biba me 3 persona në KQZ janë përgjegjës direkt për zbatimin e asaj që quhet  skemë piramidale të manipulimit të numrit të votuesve më 30 Qershor.

Bardhi: Për të mbuluar këtë krim dhe për të mos lënë gjurmë, Komisioni Qendror i Vjedhjeve zhduku transparencën tradicionale të këtij institucioni.

· Nuk hodhi të dhënat e pjesëmarrjes në sistemin online të të dhënave për të mos lënë gjurmë.

·  Nuk publikoi asnjë tabelë me rezultatet e votimit për cdo qëndër votimi.

Votimet me 1 kandidat dhe të paligjshme kanë përfunduar prej 4 ditësh, por Denar Biba me grupin e tij të krimit, si asnjëherë më parë, nuk kanë publikuar asnjë të dhënë për qendrat e votimit për asnjë bashki. Kjo është e paprecedentë.

Ky vendim i Partisë Demokratike vjen paralelisht me kallëzimet që kanë bërë kryebashkiakët e djathtë për policinë dhe Komisionin Qendrorë të Zgjedhjeve, me arsyetimin se kanë zaptuar godinat publike nën varësi të bashkive.

EMISIONET