Bum emigracioni, INSTAT:Gjatë 2017-ës kanë emigruar rreth 40 mijë shtetas

Bum emigracioni, INSTAT:Gjatë 2017-ës kanë emigruar rreth 40

Gjatë vitit 2017 kanë emigruar 40 mijë shqiptarë ose 15 mijë më shumë sesa një vit më parë, çka tregon një trend rritës të emigracionit. Të dhënat e dala nga INSTAT sipas ekspertëve kanë pasoja të forta negative në tregun e punës por edhe në skemën e pensioneve.

Eksperti, Kosta Bajraba, në rubrikën "Para e Pasuri" të gazetares Aurora Sulçe, shpjegon se qeveritë duhet të krijojnë politika të duhura për parandalimin e këtij fenomeni.

Bajraba: Shqipëria vazhdon të prodhojë flukse dhe të gjitha qeveritë e kanë për detyrë që të krijojnë kushte dhe mundësi që qytetarët të punojnë në vendin e tyre. Por ndikimi i emigrimit në dinamikën e popullësisë vjen duke u dekurajuar.

Sipas të dhënave të INSTAT, rezulton se në 6 vite janë kthyer 191 mijë shqiptarë dhe kanë arritur të emigrojnë 317 mijë të tjerë. Arsyet ekonomike janë ato që i detyrojnë shqiptarët të emigrojnë.

Bajraba: Në thelb shqiptarët emigrojnë kryesisht për arsye ekonomike por rritja, ndikimi i faktorëve jo ekonomikë në emigrim vjen duke u rritur. Emigrojnë dhe për arsye të tjera, projekteve që kanë për jetën dhe ambiciet më të mëdha që ka çdonjëri në raport me investimin që ka bërë në jetën e vet.

Përsa i përket lëvizjes së popullsisë brenda vendit, të dhënat e INSTAT tregojnë se popullsia është rritur vetëm në tre qarqe që janë Tirana, Durrësi dhe Vlora.

Ndërkohë ka pësuar ulje në 9 qarqe të tjera, ku numrin më të madh e ka Gjirokastra, Dibra dhe Berati.

EMISIONET