Gjykata Administrative ka rrëzuar padinë e Rovena Gashit ndaj kryeprokurores arta marku. Togat e zeza në seancën e zhvilluar këtë të enjte kanë deklaruar se vendimi për lëvizje në detyrë është kompetencë e kreut të akuzës, dhe pse në një pozicion të përkohshme.

Por vendimi nuk është pranuar prej avokatit të Gashit.

Gjata: Është për të ardhur keq, e shkreta gjykatë që nuk gjen sot një gjyqtar që mos ketë frikë nga pushteti se ka vettingun përpara, ka prokurorin e përgjithshëm, ka tërë pushtetin ekzekutiv kundër dhe mjerë ata qytetarë, nëpunësa apo kush ka hall që duhet të vijë në këtë gjykatë sepse pas saj qëndron pushteti ekzekutiv dhe poqe se nuk preken interesat e pushtetit nuk ka pranim padie.

Rovena Gashi është shkarkuar në fund të dhjetorit nga posti i Drejtoreshës së Marrëdhënieve me Jashtë duke kaluar si prokurore e thjeshtë.

Menjëherë pas kësaj ajo ka deklaruar se vendimi ka qenë politik.

/Ora News.tv/