Pa rrugën nuk ka votime, në krah të banorëve edhe ish-kreu i PS-së

Pa rrugën nuk ka votime, në krah të banorëve edhe ish-kreu i

Banorët e lagjes "28 nëntori" në Elbasan, kanë kërkuar investime në rrugë, të cilat tashmë janë të amortizuara.  Në takim me ish-kreun e PS në zonë ata janë shprehur se nuk do të marrin pjesë në zgjedhje nëse nuk do të ketë rehabilitim të zonës.

Edhe pse pak metra larg nga qendra e qytetit të Elbasanit, rruga e lagjes "28 nëntori", mbetet në gjendje të mjerueshme si para 20 vitesh.

Ish-kreu i Partisë Socialiste në atë zonë shprehet se ndjehet në faj për këtë situatë dhe thekson se zgjidhja më e mirë është ngritja e zërit.

"Duhet të ngremë zërin, çfarë janë pushtetarë që marrin pushtetin me votën tonë të shikojnë dhe të hedhin sytë dhe në këtë lagje".

Banorët shprehen se për këtë rrugë është premtuar në çdo fushatë, prandaj në rast se s`do ketë investime, nuk do të votojnë.

"Për zgjedhje nëse nuk na rregullohet rruga, kanalet e ujërave të zeza, nuk votojmë. Unë do të iki derë më derë që të protestojmë dhe të mos shkojmë asnjëri".

Banorët thonë se janë të rregullt më taksat, por shërbimi nga institucioni lokal i mungon asaj lagjeje.

Janë rreth 50 familje në lagjen "28 nëntori" në Elbasan vuajnë për vite me radhë nga gjendja e rrugës se paasfaltuar.

EMISIONET