Muzikë indigjene në Shkodër

Muzikë indigjene në Shkodër

Kanë udhëtuar nga Ekuadori për në Shqipëri dhe janë vendosur në qendër të Shkodrës.

Prej 1 jave gjallërinë e qytetit e kanë ndryshuar me muzikën e tyre nga Andet amerikane, që është po aq e vjetër sa kjo popullsi.

Tinguj që kanë të bëjnë me me atë çfarë ndjen njeriu, me dashurinë, magjinë e natyres.

Ruben Pillajo dhe Luis Imario, janë nga Ekuadori i Amerikës Latine dhe i përkasin fiseve indigjene Quechua (Kiçua).

Bashkë me muzikën që kanë sjellë, ato qytetareve u ofrojnë mundësinë të blejnë edhe një kujtim të vogël nga vendi i tyre.

Janë të gjitha punime tradicionale, plot ngjyra.

“Kemi udhëtuar në disa vende të Europës, por edhe Ballkan duke luajtur muzikën tonë. Jemi në Shkoder prej 1 jave dhe do të zhvendosim edhe në Tiranë. Vijmë nga Andet, Ekuadori dhe kemi këtë muzikë e cila është spirituale. Instrumenti që po luan miku im quhet Kena ndërsa kënga titullohet “Zemra ime”. Sipas stinës kemi edhe këngët përkatese, pra muzikë të gëzuar".

Shkodranëve ju shijon kjo muzikë dhe prandaj ata ndalen ta dëgjojnë, dhurojnë diçka, apo marrin një kujtim.

Kena, pinkillu, siku janë disa nga instrumentat frymorë që këto dy instrumentistë kanë marrë me vete për tu mundësuar shqiptarëve të dëgjojnë live muzikën e vertetë të andeve amerikane.

EMISIONET