Lajmet e rreme bëjnë që të shtohen miliona njerëz me perceptime të gabuara që disa artikuj të përditshëm  shkaktojnë kancer, sugjeron një sondazh i ri.

Rreth 40 për qind e të rriturve besojnë se stresi dhe "aditivët" e ushqimit që shërbejnë për jetëgjatësinë e tyre mund të çojnë në kancer - pavarësisht se nuk ka prova bindëse për asnjërën.

Një e treta besojnë gabimisht se frekuencat elektromagnetike, të tilla si Wi-Fi dhe rrezet  X, dhe të hahet ushqime me hormone janë faktorë të tjerë të rrezikut.

Ndërsa 19 për qind janë të bindur se furrat me mikrovalë dhe 15 për qind besojnë se pirja nga shishet plastike mund të shkaktojë kancer.

Gjetjet, të nxjerra nga një sondazh i 1,330 njerëzve në Angli, u zbuluan gjithashtu se shumë njerëz nuk kanë njohuri mbi shkaqet e vërteta të kancerit.

Studiuesit në Universitetin e Kolegjit të Londrës dhe Universitetin Leeds zbuluan se 12 për qind e njerëzve nuk janë të vetëdijshëm se duhanpirja shkakton kancer.

Dy të pestat nuk e dinin se një tjetër faktor rreziku është djegia e diellit, gjë që mund të trefishojë rrezikun e kancerit të lëkurës, thonë shkencëtarët.

Por ata që kishin njohuri më të mira për shkaqet e provuara, kishin më shumë gjasa të mos pinë duhan, sipas studiuesve, të cilët janë financuar nga "Cancer Research" Britani.

Dr Samuel Smith, bashkautor i studimit, nga Leeds, tha: "Është shqetësuese të shohësh kaq shumë njerëz që mbështesin faktorët e rrezikut për të cilët nuk ka prova bindëse.

"Krahasuar me hulumtimet e kaluara, duket se numri i njerëzve që besojnë në shkaqe të paprovuara të kancerit është rritur që nga fillimi i shekullit".

Kjo "mund të jetë rezultat i ndryshimeve në mënyrën se si ne i qasemi lajmit dhe informacionit nëpërmjet internetit dhe medias sociale", shtoi ai.

Dr Smith tha: "Është jetike për të përmirësuar edukimin publik për shkaqet e kancerit nëse duam t'i ndihmojmë njerëzit të marrin vendime të informuara për jetën e tyre".

Pothuajse katër në dhjetë nga të gjitha kanceret mund të shmangen duke kaluar në një dietë më të shëndetshme, duke bërë më shumë stërvitje dhe duke hequr dorë nga pirja e duhanit.

Nga 360,000 raste të diagnostikuara në vitin 2015, rreth 135,500 mund të ishin parandaluar, sipas Cancer Research UK.

Ekspertët besojnë se është dëshmi e mëtejshme se kanceri është kryesisht i dobët ndaj faktorëve të mjedisit - jo thjesht nga gjenet apo nga 'fati i keq'.

Edhe pse normat e mbijetesës po përmirësohen gradualisht, numri i njerëzve në Britani të Madhe me kancer është rritur me shtatë për qind në një dekadë.

Gjetjet janë botuar në Gazetën Evropiane të Kancerit.

/Ora News.tv/