Manjani: Shteti në kolaps, pushteti në zenit, si dilet nga gjendja e rëndë

Manjani: Shteti në kolaps, pushteti në zenit, si dilet nga gjendja e

Ish-ministri i Drejtësisë, Ylli Manjani thotë se shteti është në kolaps, duke dhënë 5 propozime se si mund të dilet nga kjo gjendje.

Shteti është në kolaps. Pushteti në zenit. Politika thjesht prodhon llafe.

Mendoj se fokusi është ndërtimi i shtetit.

Çdo gjë që:

1. Shkëput strukturën e Vetting nga qeveria dhe faktorë të tjerë politikë;

2. Ndihmon realisht në pastrimin e drejtësisë nga të paaftët, hileqarët dhe të poshtrit;

3. Ndihmon për të ngritur sa më parë Gjykatën e Lartë dhe Kushtetuese, me gjykatës të mirë dhe profesionistë;

4. Pavarëson nga qeveria dhe politika, Prokurorinë dhe hetimin penal;

5. Ndihmon për të ngritur sa më parë KLGJ, KLP dhe SPAK me emra e cv dinjitoze dhe jo me mbështetje politike;

Pra, çdo gjë që ndihmon në hartimin e një kalendari të ri veprimesh për ndërtimin e sistemit të PAVARUR të drejtësisë, ka patur dhe do ketë mbështetjen dhe kontributin tim modest!

Zgjidhje teknike ka plot.

Duhet thjesht vullnet për:

1. Ndërhyrë në Kushtetutë (në nenet tranzitore )

2. Rishikuar të gjitha ligjet e reja jo konsensuale;

3. Pastruar strukturat e reja nga emra politikë, vulnerabël ndaj politikës dhe te zgjedhur kundër ligjit;

4. Kthyer vettingu në shtratin e gjykimit sipas provave dhe ligjit e jo hamendjeve dhe gjykimit popullor, aq më keq vendimmarrjes politike!!!

Paralelisht duhet po i njëjti vullnet për të ndërtuar një sistem zgjedhor Të NDERSHËM dhe PËRFAQËSUES.

Ja, kaq duhet si për fillim!

Të tjerat vijnë vetë...

EMISIONET