Manjani: Në Berlin fituan politikanët, por paguan shqiptarët me negociatat dhe vizat

Manjani: Në Berlin fituan politikanët, por paguan shqiptarët me

Në një koment të tij mbi fitimtarët dhe humbësit e Samitit franko-gjerman, ish-Ministri i Drejtësisë Ylli Manjani thotë se në Berlin fituan politikanët, por paguan shqiptarët.

Politikanët fituan pa dyshim, sipas Manjanit, sepse:

1. Rama fitoi një takim të nivelit të lartë pas shumë kohësh injorim.

2. Thaçi konfirmoi rolin e tij udhëheqës në Kosovë.

3. Haradinaj konfirmoi drejtësinë e vendimit të tij për taksën me Serbinë.

4. Opozita Shqiptare konfirmoi drejtësinë e qëndrimeve të saj anti-qeveri.

Nga ana tjetër, Merkel dhe Macron vendosën rolin e tyre drejtues mbi Ballkanin, pas humbjes së dukshme të interesit amerikan në rajonin tonë.

Por çfarë mbeti realisht për shqiptarët sipas Manjanit?

1. Nuk ka negociata dhe aq me pak anëtarësim në BE.

2. Kosova ende nuk ka fituar të drejtën të lëvizë lirisht në BE.

Manjani thekson se Samiti i ofroi shqiptarëve edhe njëherë lugën bosh të “perspektivës europiane”, me të cilën duhet të ngopen.

"Pra shqiptarët janë realisht humbësit, sepse vetëm paguajnë kostot e udhëheqësve megallomanë, të papërgjegjshëm dhe që punojnë thjesht për karierat e tyre politike.P.S. Ah, fituan pak hapësirë mediatike edhe ca “pleshta” si G. Cakaj; E. Spiropali e B.Haxhiu, të cilët ishin shoqëruesit zyrtarë të Mr. Leader..." përfundon postimin në facebook Manjani.



EMISIONET