Leonardo nis menjëherë punën, nisin bisedimet Juve- Milan për Higuain

Leonardo nis menjëherë punën, nisin bisedimet Juve- Milan

Braziliani Leonardo ka arritur marrëveshjen me fondin "Elliot" dhe do të prezantohet të hënën si drejtori teknik i ri i Milan. Edhe pse ka pak që Leonardo ka marrë postin, duket se që tani ka nisur punën.

“Sky Italia” ka raportuar se drejtori i përgjithshëm i Juventus, Giuseppe Marotta ka pasur një bisedë telefonike me drejtorin e ardhshëm sportiv të AC Milan, ku tema kryesore ka qenë Gonzalo Higuain.

Marotta e ka telefonuar Leonardo për ta uruar për detyrën e re, por më pas subjekti i bisedës është fokusuar mbi të ardhmen e sulmuesit argjentinas.

Për momentin asgjë nuk është zyrtare, sepse Milan ka nevojë të shesë, më pas të investojë te blerja e “El Pipita”, por konfirmohet thashethemi që qarkullon prej ditësh se “djalli” është i interesuar për qendërsulmuesin e Juventus.

30-vjeçari Higuain, që ka bërë valixhet gati pas mbërritjes në Torino të Cristiano Ronaldo, kërkohet edhe nga Chelsea, ku do të gjente trajnerin Maurizio Sarri, me të cilin ka qenë i suksesshëm te Napoli.

EMISIONET