“La Scala” i kthen mbrapsht mbi 3 milion dollarë Arabisë Saudite
Teatri i famshëm i operës “La Scala” është përfshirë në një skandal pasi pranoi financime nga qeveria saudite. Mes palëve ishte nënshkruar një marrëveshje bashkëpunimi me vlerë prej 15 milionë eurosh, marrëveshje e cila u kritikua ashpër nga publiku pas vrasjes së gazetarit Jamal Khashoggi dhe nivelit të respektimit të të drejtave të njeriut nga Arabia Saudite. Financimi i parë prej 3 milionë eurosh do të kthehet.
Teatri “La Scala” i Milanos do t’i kthejë Arabisë Saudite mbi 3 milionë euro donacione pas kritikave të shumta të publikut.
Marrëveshja e financimit që ishte arritur më herët mes palëve do t’i mundësonte Ministrit saudit të Kulturës që të uljen në bordin drejtues.
Pas vrasjes së gazetarit, Jamal Khashoggi, në Stamboll tetorin e kaluar, gjendja e të drejtave të njeriut e Mbretërisë po shqyrtohet me hollësi.
Së pari marrëveshja e bashkëpunimit u kritikua nga grupet e të drejtave të njeriut.
Presidenti i Teatrit, Giuseppe Sala, njëherësh kreu i Bashkisë së Milanos, tha se për t’i rikthyer fondet ishte marrë një vendim unanim.
"Do të kthehemi në pikënisje. Do të shohim nëse ka ndonjë mundësi tjetër bashkëpunimi,” u tha Sala gazetarëve.
Fondi prej 3 milionë eurosh ishte pjesë e një marrëveshjeje pesëvjeçare me vlerë prej 15 milionë eurosh me Ministrinë Saudite të Kulturës.
Por marrëveshja mori kritika të forta, duke përfshirë edhe anëtarët e Partisë Lidhja.
Udhëheqësi i saj dhe zëvendëskryeministri Matteo Salvini i bëri thirrje tetarit “La Scala” që ta anulonte marrëveshjen, ndërsa Guvernatori i rajonit të Lombardisë, i cili është gjithashtu një anëtar i Lidhjes, kërkoi shkarkimin e Drejtorit Artistik të Operës, Aleksandër Pereira.