Sot kandidati i listës së LSI, Ralf Gjoni mori mandatin e deputetit dhe vetëm pak kohë para betimit një person e goditi me bojë të kuqe.

Por nuk ka qenë i të njëjtit mendim në janar të 2019 ndërsa ishte i ftuar në emisionin 360grade ne RTV Ora të gazetarit Artur Zheji,  Ralf Gjoni do të deklaronte se “nëse do të ishte deputet i PD apo LSI, do të kishte djegur mandatin”.

"Po të isha deputet në PD dhe në LSI do i kisha djegur mandatet dhe do të bllokoja parlamentin.  Nuk ke parlament përsa kohë që ne nuk ulemi në tavolinë dhe të bëjmë një sistem të ri zgjedhor" deklaroi ai ne studio

Duke folur për mediat sot Gjoni akuzoi Bashen dhe Kryemadhin se po përpiqen të destabilizojnë vendin ndërsa kur e pyetën a do të votonte pro ligjeve të qeverisë u përgjigj: Ju mendoni se po vij këtu për ti bërë fresk qeverisë. A më njihni mua?!


/Ora News.tv/