Kryeprokurori amerikan: Duam bashkëpunim me Ballkanin për të luftuar krimin

Kryeprokurori amerikan: Duam bashkëpunim me Ballkanin për të

Prokurori i Përgjithshëm Jeff Sessions thotë se Shtetet e Bashkuara po kërkojnë të rrisin partneritetin e tyre me vendet e Ballkanit në luftën kundër ekstremizmit dhe krimit të organizuar.

Në një takim të zhvilluar në Zagreb, me zyrtarë të zbatimit të ligjit nga Shqipëria, Bosnja dhe Hercegovina, Kroacia, Kosova, Maqedonia, Mali i Zi dhe Serbia, ai tha se bashkëpunimi ka prodhuar tashmë rezultate të mira, por nevojiten më shumë përpjekje.

Prokurori thotë se "ne vazhdojmë të përballemi me kërcënime serioze nga terrorizmi, trafikantët e drogës, trafikantët e qenieve njerëzore, kriminelët e organizuar dhe korrupsioni". Ai shton se "kriminelët përdorin kufij për t'u fshehur pas tyre. Nuk mund ta lejojmë që të ndodhë", shkruan The Associated Press.

Ballkani u shkatërrua nga një sërë luftërash në vitet 1990, të cilat shkatërruan rrjetin e sigurisë të ish-Jugosllavisë, ndërsa krimi i organizuar lulëzoi. Tensionet në rajon që janë një portë në Evropën Perëndimore ende ekzistojnë, pavarësisht përpjekjeve ndërkombëtare për stabilitet.

EMISIONET