Qeveria bllokon fondet e Shkodrës, reagon Voltana Ademi: Po dëmtoni qytetarët
Qeveria i ka ndërprerë fondet bashkisë së Shkodrës, duke tentuar që administrimin e tyre pas 20 gushtit ta ketë në dorë Këshilli i ri bashkiak. Ministria e Financave nëpërmjet Drejtorisë së Thesarit, i ka deklaruar Ademit se mandati i saj përfundon në 20 qershor. Por kryebashkiakja e Shkodrës nëpërmjet një letre drejtuar Misnitrisë së Financave dhe Ekonomisë e cilëson vendimin të pa precedent, ndërsa thotë se veprimet e jashtligjshme nuk bllokojnë kryetaren por qytetarët e Shkodrës.
Pas konstituimit të Këshillit Bashkiak, duket se qeveria ka përdorur instrumentë të tjerë të për të zhveshur nga kompetencat dhe për ti bllokuar ushtrimin e detyrës, kryebashkiakes së Shkodrës Voltana Ademi.
Ministria e Financave dhe Ekonomisë ka penguar funksionimin e Bashkisë Shkodër përmes bllokimit të procedurave të likuidimit me fondet e veta, mbi shërbimet dhe investimet.
Drejtoria e Përgjithshme e Thesarit thotë se Voltana Ademit i ka mbaruar mandati ditën e sotme, në orën 16:30.
“Sipas ligjit, Kryetares së Bashkisë i mbaron mandati më datë 20.08.2019, ora 16:30 sipas orarit zyrtar, për ditët në vijim do të jetë këshilli bashkiak që duhet të zgjidhë problemin.”
Në këtë situatë, kryebashkiakja e Shkodrës Voltana Ademi i është drejtuar me një shkresë Ministrisë së Financave, dhe në dijeni ka vënë selitë diplomatike kryesore në vendin tonë.
Ademi i tërheq vëmendjen Ministrisë, duke i cilësuar veprime të jashtëligjshme që nuk bllokojnë Kryetaren, por qytetarët e Shkodrës.
“Ju kërkojmë të tërhiqeni sa më shpejt nga një qëndrim i tillë, duke qenë thjesht zbatues të ligjit dhe jo të orientimeve partike-politike që dëmtojnë Shkodrën dhe qytetarët e saj.”
Kryebashjakja e Shkodrës shkruan më tej se në asnjë ligj apo akt nënligjor, nuk është Ministria e Financave që gjykon për mandatin e kryetarit të Bashkisë.