Kina "tundon" Iniestën, e bën futbollistin më të paguar në glob
Andres Iniesta po mendon seriozisht një kalim në kampionatin kinez të futbollit.
Sipas asaj që shkruan "Sport ES" kapiteni i Barcelonës është i tunduar, pasi i është ofruar një pagesë prej 36 milionë eurove nga skuadra e Tianjin.
Përfaqësuesit e klubit kinez kanë qënë edhe në Spanjë dhe janë optimistë për përfundimin me sukses të këtij operacioni.
Iniesta është pjesë e Barcelonës që prej vitit 2002 duke shënuar 430 prezenca me klubin katalanas. Futbollisti ka fituar 4 herë Ligën e Kampionëve dhe 8 herë kampionatin spanjoll.
Ndërkohë fantazisti ka arritur të shpallet një herë kampion bote me përfaqësuesen e Spanjës, duke qënë dhe autori i golit të vetëm të finales.