Kantina Duka feston vjeljen e rrushit dhe restorantin e ri
Kantina Duka në Durrës festoi vjeljen e rrushit, prezantoi verën e prodhuar dhe inauguroi një restorant të ri të hapur për të githë. Agron Duka jashtë kostumit të politikanit kërkoi më shumë mbështetje nga qeveritë për vreshtarinë, teksa theksoi se sot në vend ka 50 % më pak sipërfaqe se vitet '90.
Vjelja e rrushit dhe prezantimi i verës së re është gjithmonë festë për Kantinën Duka në Durrës.
Vreshti “Duka” shtrihet në kodrat e Ishmit, ku poshtë saj zgjatet Adriatiku dhe vera e prodhuar aty konkurron denjësisht në tregjet kombëtare e ndërkombëtare.
I zhveshur nga kostumi i politikanit, Agron Duka, në cilësinë e investitorit kërkon nga qeveritë më shumë politika mbështetje për vreshtarinë, ndërsa sfida e kantinës është të bëhet me e mira në vend
Duka: Të majtë dhe të djathtë të subvencionojnë dhe të japin mundësi që të shtojmë vreshtat në Shqipëri. Sot kemi 10.300 hektarë, sa gjysma e vitit '90.
Veç prodhimit të verës, vreshta është vënë në funksion të agroturizmit tashmë me një restorant të ri
Kreu i Shoqatës së Turizmit e cilësion një vlerë të shtuar për ofertën turistike.
"Duhet të shkojmë drejt agroturizimit dhe investimit në bujqësi dhe agroturizëm sepse suksesi është i sigurt."
Në festën e Kantinës Duka ishin të pranishëm përfaqësues të trupit diplomatik, politikës, artit e kulturës.