Kanadaja po ndeshet me një krizë të thellë politike pas dorëheqjes së ministres së Drejtësisë dhe akuzave të ngritura ndaj kryeministrit Justin Trudeau për ndërhyrje në një proces penal.  Jody Wilson-Raybould, e cila më parë ka mbajtur dhe detyrën e kryeprokurores akuzoi kryeministrin Trudeau se i kërkoi të ndërhynte tek prokurorët që të arrinin një marrëveshje me gjigantin e inxhinierisë së ndërtimit, SNC-Lavalin, i cili është përfshirë në një skandal korrupsioni në Libi.

Sipas saj, kreu i qeverisë i ka kërkuar që të mos niste proces penal ndaj kompanisë, por të arrihej një marrëveshje.

Këto akuza kanë shkaktuar rënien e popullaritetit të kryeministrit Trudeau, që vetë përgënjeshtroi çdo ndërhyrje për të ndikuar procesin ndaj subjektit SNC-Lavalin. Megjithatë ai pranoi se ka thirrur për konsultime Ëilson-Raybould, gjatë një takimi në mes të shtatorit. Por mohoi akuzat se kishte qëllim të mbante të pacenuar figurën e SNC-Lavalin për arsye elektorale.

“Nuk kam artikuluar kurrë arsyetime përkrahëse gjatë bisedave me Jody Ëilson-Raybould”, tha Trudeau gjatë një konference shtypi, pasi rikonfirmoi se zyra e tij dhe ai vetë nuk kishin bërë asgjë të papërshtatshme. Por ai pranoi se mes tij dhe ish-ministres ka pasur një krizë besimi.

/Ora News.tv/