Kamza 22 vjet bashki, Mziu: Nga tokë bujqësore në zonë urbane

Kamza 22 vjet bashki, Mziu: Nga tokë bujqësore në zonë

Me 30 prill të 1996, Kamza është kthyer në Bashki dhe sot, kjo njësi e pushtetit lokal, feston 22 vjetorin e saj. Kryebashkiaku Xhelal Mziu tha para të ftuarve se Kamza ka pësuar një transformim rrënjësor. E pranishme në aktivitet ishte edhe prefektja e Tiranës Suzana Jahollari e cila bashkë me kryebashkiakun vizitoi një ekspozitë me veshje popullore.

Kamza festoi 22 vjetorin e krijimit si bashki ku sot numëron mbi 140 mijë banorë. Me 30 prill të vitit 1996, Këshilli i Ministrave vendosi që institucioni lokal të kthehej nga komunë në bashki. Me moton zhvillim dhe qytetërim, Xhelal Mziu evidentoi transformimin e Kamzës nga një zonë bujqësore dhe rurale në një qytezë urbane.

Mziu: Nga një zonë bujqësore, rurale në një qytet, madje në qytetin më të ri të Shqipërisë për shkak të zhvllimit të vrullshëm të saj. Sot Kamza ka një diversitet të jashtëzakonshëm kulture, zhvillimi. 

Prefektja e Tiranës, Suzana Jahollari iu përgjigj pozitivisht ftesës së bashkisë Kamëz, e cila e shoqëruar nga Xhelal Mziu vizitoi edhe një ekspozitë me veshje popullore të vendit në pallatin e kulturës.

Jahollari: Së bashku të punojmë shumë, të përpiqemi shumë që të rrisim cilësinë e jetës sonë.

Me këtë rast, u nderuan me çmime dhe tituj nderi edhe kryetari i parë i komunës, si dhe ish krertët e bashkisë me motivin e kontribuimit në zhvillimin e Kamzës.

EMISIONET