Emisioni "Ju flet Moska" nga Kastriot Myftaraj në RTV Ora kishte në fokus të analizës së tij krimet e komunizmit dhe deklaratën e kryeministrit Rama me 5 Maj, Ditën e Dëshmorëve.

Myftaraj: Debati për krimet e komunizmit mori një drejtim të çuditshëm, u doli nga kontrolli atyre që e kishin programuar. Debati u iniciua si një marrëveshje midis Agron Tufës dhe Edi Ramës kur opozita nisi lëvizjen e saj me djegien e mandateve parlamentare, të devijonte debati.

Është një gjë që Agron Tufa e ka bërë dhe në 2017 kur opozita ngriti çadrën dhe kërkoi nisjen e debatit për filmat e realizimit socialist. Gjithë kjo lojë ka funksionuar se media pro qeverisë e ka mbështetur fort, e ka bërë temë të ditës. Siç ndodh në këto lloj debatesh, ata që nuk dinë lojën ngrihen dhe protestojnë. Kështu kryeministri Rama u ndodh para protestave të veteranëve të LANÇ.

Rama ngriti një tezë shumë të çuditshme. Ai thotë çfarë ka ndodhur nga 8 nëntori 1941, dita e themelimit të Partisë Komuniste dhe deri në 29 nëntor 1944, Dita e Çlirimit, është një dosje e mbyllur, nuk duhet studiuar nga Instituti i Studimit të Krimeve dhe Pasojave të Komunizmit. Duhet studiuar thotë vetëm pas 29 nëntorit 1944.

/Ora News.tv/