Në emisionin e tij "Ju Flet Moska", Kastriot Myftaraj ka folur për rusofilët shqiptarë dhe përkëdheljen, siç e quan ai, nga ana amerikane.

Kastriot Myftaraj: Në politikën e çdo vendi ka disa linja historike, të cilat përcaktojnë zhvillime afatgjate.

Kur flasim për ndikim rus në Shqipëri duhet të kemi parasysh kush është ai vektor historik politike pro ruse në Shqipëri.

Në të gjithë historinë politike të Shqipërisë vetëm një parti trokiti për të kërkuar njohje në Moskë, Partia Komuniste e Shqipërisë.

Në 1944 erdhi njohja, u bë anëtare e Kominternit. Në vitin 1948 Stalini i kërkoi ndryshimin e emrit dhe kështu u bë, Partia e Punës ndryshoi emrin.

Kjo parti mbeti rusofile me gjithë legjendën që u mundua të krijonte për prishje me Bashkimin Sovjetik.

Amerikanët e kanë përkëdhelur linjën rusofile në politikën shqiptare.

Ende vazhdojnë ti përkëdhelin edhe sot e kësaj dite duke i parë si partnerë për ndërtimin e shtetit, institucioneve, drejtësisë etj., dhe çfarë kanë prodhuar, realiteti e tregon.

/Ora News.tv/