Itali, i riu shqiptar kapet me 200 mijë euro kokainë. Shikoni ku e kishte fshehur
Nga OraNews Përditësimi i fundit 6 Dhjetor 2017, 10:47
Një i ri shqiptar është arrestuar nga policia italiane në Pescara, pasi u kap me një kilogramë kokainë në makinën e tij.
Mediat italiane raportojnë se 25-vjeçari, identiteti i të cilit ende nuk bëhet i ditur u shfaq nervoz teksa policia po ushtronte kontroll në makinën e tij.
Lënda narkotike ishte fshehur në motorin e makinës tip Fiat.
Kokaina e sekuestruar jepte gjithësej rreth 5 mijë doza dhe vlera në treg do të kapte shifrën e 200 mijë eurove.
I arrestuari shqiptar iu dorëzua autoriteteve në San Donato.