Ish-kryeministri malajzian përballet me 25 akuza të tjerë për pastrim parash

Ish-kryeministri malajzian përballet me 25 akuza të tjerë

Ish-kryeministri i Malajzisë, Najib Razak, po përballet me 21 akuza të reja për pastrim parash. Ky është një rast i lidhur me një skandal korrupsioni prej shumë milionë dollarësh.

Ai u akuzua në gjykatë të enjten në lidhje me transferimin e supozuar të 556 milion dollarëve nga fondi shtetëror 1MDB në llogarinë e tij personale bankare.

Razak u akuzua gjithashtu për katër akuza për abuzim të pushtetit. Najib u deklarua jo fajtor për të gjitha 25 akuzat.

Akuzat e fundit vijnë në krye të tre akuzave të tjera për pastrim parash të ngritura kundër tij në gusht.

Najib, anëtarët e familjes së tij dhe disa aleatë janë akuzuar për shpërdorimin e shumave të mëdha që thuhet se përdoren për të blerë gjithçka nga veprat e artit në pasuri të patundshme anembanë globit.

Akuzat luajtën një rol të madh që ai të humbiste zgjedhjet që u fituan nga ish-këshilltari i tij dhe ish-kryeministri, Mahathir Mohamad, 93 vjeç.

1MDB, e ngritur nga Najib në 2009, synonte ta kthente kryeqytetin Kuala Lumpur në një qendër financiare për të rritur ekonominë nëpërmjet investimeve strategjike.

Në vend të kësaj, ajo filloi të tërheqë vëmendjen negative në fillim të vitit 2015 pasi nuk pagoi 11 miliardë dollarë që i detyrohej bankave dhe zotëruesve të obligacioneve.

Pastaj Ëall Street Journal raportoi se kishte parë një gjurmë letre që sipas tyre gjurmonte rreth 700 milionë dollarë nga fondi për llogaritë personale të Najib.

Miliarda dollarë janë ende nuk janë gjetur.

EMISIONET