Informaliteti dhe abuzimet: 30 zyrtarë nën hetim, mes tyre 5 arrestohen
Policia bën bilancin e aksionit kundër informalitetit, nga ku bëhet e ditur se janë proceduar penalisht 30 zyrtarë të administratës lokale për akuzën e "Shpëdorimit të detyrës" .
Sipas drejtorit për Hetimin e Krimit Ekonomik e Financiar, Lutfi Minxhozi, janë arrestuar në flagrancë 5 zyrtarë, konkretisht kryetari i njësisë administrative Dërmenas në Fier, dhe 4 inspektorë të Bashkisë së Shkodrës
Nga të proceduararit penalisht në gjëndje të lirë janë 23 nëpunës të bashkive, 3 nëpunës të sistemit fiskal dhe 4 nëpunës të Drejtorive Rajonale të Punësimit.
Operacioni
Ky operacion bëhet kundër informalitetit dhe evazionin fiskal në turizëm, ndërtim, hidrokarbure, tregtimin e mallrave të akcizës”. Ne korrik janë ushtruar kontrolle në 801 subjekte të ndryshme, ku 89 prej tyre janë evidentuar në shkelje të ligjit dhe për këtë arsye të gjithë përfaqësuesit e tyre janë proceduar penalisht.
"Janë ushtruar kontrolle në 801 subjekte të ndryshme, nga të cilët në 467 shërbime vend-pushimesh me shezlong, 162 lokale në bregdet, 83 hotele, 24 ndërtime pa leje, 4 raste për territore të pushtuara dhe në pika shpërndarëse të karburantit. Gjatë këtij operacioni masash, përveç parandalimit, evidentimit dhe ndëshkimit të subjekteve, vëmendja kryesore e strukturave të Policisë së Shtetit do të përqendrohet në zbulimin, dokumentimin dhe procedimin penal të çdo zyrtari bashkie, Tatimesh, IQT, Dogane, Punësimi etj., të cilët me dashje nuk kanë kryer detyrën për kontrollin e territorit, por kanë lejuar informalitetin, ndërtimet pa leje, ushtrimin e aktiviteteve të tregtisë së paligjshme, ushtrimin e aktivitetit tregtare pa kasë fiskale, shmangie doganore, në interes të tyre ose të personave të tretë, duke i sjellë dëme të konsiderueshme mjedisit, qytetarëve, bizneseve të ligjshme, nëpërmjet lejimit të konkurrencës së pandershme si dhe kanë sjellë dëme të konsiderueshme Buxhetit të Shtetit," deklaroi Drejtori i Drejtorisë për Hetimin e Krimeve Ekonomike e Financiare, në Departamentin e Policisë Kriminale, Drejtues Lutfi Minxhozi ne nje prononcim per mediat.
Sipas qarqeve
•
Kontrollet sipas qyteteve
Durrës kontrolluar 61 subjekte, 13 gjoba, 4 aktivitete të bllokuar e 8 të proceduar
Fier, kontrolluar 177 subjekte, 19 gjoba, 1 aktivitet i bllokuar dhe 3 të proceduar
Vlorë, kontrolluar 258 subjekte, 17 gjoba, 4 aktivitete të bllokuara, 22 të proceduar
Korçë,kontrolluar 30 subjekte, 3 gjoba, 3 subjekte të bllokuar dhe 7 të proceduar
Lezhë, kontrolluar 132 subjekte, 16 gjoba, 2 aktivitete të bllokuara e 5 të proceduar
Dibër, kontrolluar 23 subjekte, 1 gjobë, 1 aktivitet i bllokuar e 3 të proceduar
Shkodër, kontrolluar 12 subjekte dhe të gjithë përfaqësuesit janë proceduar
Kukës, kontrolluar 17 subjekte, 1 përfaqësues subjekti është proceduar
Berat, kontrolluar 15 subjekte, proceduar 2 përfaqësues të subjekteve
Tiranë, kontrolluar 46 subjekte, 11 gjoba dhe 9 procedime penale
Elbasan,kontrolluar 25 subjekte, 17 të proceduar penalisht
Gjirokastër, kontrolluar 5 subjekte.
Personat ndaj te cilave ka nisur procedim penal kishin detyre monitorimin dhe kontrollin ligjor te ketyre subjekteve.