I ofron ryshfet policit, pranga 22-vjeçarit

I ofron ryshfet policit, pranga 22-vjeçarit

Një 22-vjeçar është arrestuar nga policia pasi tentoi ti ofronte ryshfet një punonjësi të policisë rrugore.

Në pranga ra i riu me iniciale B. P., banues në Vig, Shkodër. Ai tentoi të korruptonte punonjësit të Policisë Rrugore në aksin rrugor Thumanë - Milot, me qëllim shmangien e masës administrative.

22-vjeçari po ecte me shpejtësi tej normave të lejuara dhe në momentin që u ndalua nga policia rrugore së bashku me dokumentacionin u dha edhe një kartëmonedhë të prerjes 1000 lekëshe.

" B. P., 22-vjeç, banues në Vig, Shkodër, në aksin rrugor Thumanë - Milot, ka shkelur rregullat e qarkullimit rrugor duke drejtuar mjetin e tij tej normave të lejuara të shpejtësisë, konstatuar nga agjenti verifikues me Radar, dhe gjatë momentit të ndalimit i ka ofruar punonjësit të Policisë Rrugore së bashku me dokumentacionin një kartëmonedhë të prerjes 1000 lekë, me qëllim shmangien e masës administrative,"-raporton policia.

Materialet iu referuan Prokurorisë së Rrethit Gjyqësor Lezhë në ngarkim të shtetasit të lartpërmendur për veprën penale “Korrupsioni aktiv i personave që ushtrojnë funksione publike”, parashikuar nga neni 244 i Kodit Penal

EMISIONET