Fier, aktorët: Nevojitet rikonstruksion i teatrit “Bylis”
Celja e “De Fest Theatre”, aktiviteti kulturor që për 5 ditë me radhë do të ngjisë në skenën e teatrit “Bylis” artistë nga shqiptarë dhe nga shtetet fqinje, ka nxjerrë në pah amortizimin e godinës së teatrit.
Korifej të humorit fierak, aktorë e regjisorë si Leka Bungo apo Luftar Paja theksuan nevojën e godinës për restruksion.
Leka Bungo: Ky teatër që nisi nga asgjëja me kalimin e viteve u bë një nga teatrot me seriozë dhe më të mirë të Shqipërisë dhe kjo falë punës së madhe të artistëve.
Luftëtar Paja: Është një qytet që e do artin, e do kulturën dhe ka qenë një shprehje: Kush do të kolaudojë shfaqjen nga e gjithë republika të veje ta kolaudojë në Fier se ka një spektator të shkëlqyer.
Kryebashkiaku i Fierit tha se teatrit Bylis duhet t’i jepet vlera që përfaqëson, ndërsa pohoi se ka një projekt që do të zbatohet nga një studio arkitekturore nga Venecia, e cila do të nisë shumë shpejt nga puna.
Armando Subashi: Sot që flasim projekti ka mabruar, parashikon pjesën e ndriçimit, të fonisë etj.
Në teatrin Bylis të Fierit, ka probleme kryesisht me ndricimin, foninë dhe ulëset e spektatorëve.