Dy të arrestuar në Dibër e Fier, njëri dhunoi kunatin ndërsa tjetri të vëllanë
Dy persona në Dibër dhe Fier janë arrestuar për dhunë në familje. Në Peshkopi, uniformat blu vunë në pranga shtetasin Avdul S, 64 vjeç.
Arrestimi i tij u bë pasi në banesën e tij, për motive të dobëta, ka ushtruar dhunë fizike ndaj kunatit të tij shtetasit R.F, 40 vjeç.
Materialet proceduriale i kaluan Prokurorisë Rrethit Gjyqësor Dibër për veprën penale "Dhunë në familje".
Ndërkohë në Fier, policia arrestoi shtetasin Krenar Qalliaj, 46 vjeç, banues në Lalar.
Arrestim i këtij shtetasi u bë pasi në banesën e tij në fshatin Lalar, ka ushtruar dhunë fizike ndaj vëllait të tij, shtetasit L.Q, 52 vjeç, banues në Fier.
Materialet i kaluan Prokurorisë pranë Gjykatës së Shkallës së Parë Fier për veprën penale "Dhunë në familje".