Polici shkakton aksidentin në Milot, plagosen rëndë 3 persona
Një aksident i rëndë është regjistruar në rrethrrotullimin e Fushë-Milotit.
Një 23 vjeçar me iniciale E.H., banues në Tropojë, është përplasur me mjetin me drejtues shtetasin A.M., 49 vjeç, banues në Tiranë.
Nga aksidenti kanë mbetur të plagosur dy drejtuesit e mjeteve dhe një 46-vjeçar me iniciale F. S., banues në Tiranë, i cili ndodhej si pasagjer në mjetin e 49-vjeçarit.
Ata janë dërguar në spitalin e Traumës.
"Si pasojë e përplasjes kanë marrë demtime dhe janë transportuar në spitalin e Traumës Tiranë, drejtuesit e mjeteve E.H.,23 vjeç, banues në Tropoje dhe A.M., 49 vjeç, banues në Tiranë, si dhe shtetasi F.S., 46 vjeç, banues në Tiranë, i cili ndodhej si pasagjer në mjetin me drejtues A.M.,"-raporton policia
Burime për RTV Ora rasportojnë se në aksident u përfshinë dy makinat, tip “Audi” dhe “Toyota”. Mësohet se drejtuesi i makinës tip “Audi” që është bërë edhe shkak për aksidentin është efektiv policie në Tropojë.
Grupi hetimor vazhdon veprimet në vendngjarje për sqarimin e rrethanave të aksidentit.
Foto Ilustruese