Agron Duka: Me ose pa PD do hyj në zgjedhje. Boll! Nuk e ha për herë të tretë unë

Agron Duka: Me ose pa PD do hyj në zgjedhje. Boll! Nuk e ha për

Kreu i Partisë Agrare Ambientaliste Agron Duka nënvizoi se me PD-në ose pa të, Partia që ai drejton do të hyjë në zgjedhjet lokale. I ftuar në emisionin "Arena" Duka tha se Basha nuk ka mbajtur fjalën dhe nënvizoi se nuk binte më viktimë e Bashës.

Dritan Hila: Po flisni si përfaqësues i PD-së

Dashamir Shehi: Po të isha pëfaqësues i PD-së do të thoja që Basha është drita e Shqipërisë, por unë nuk e them

Agron Duka: Nuk e ka mbajtur llafin për disa gjëra, unë isha në komisionin e reformës zgjedhore, më tha mos shko në komisionin e reformës zgjedhore se unë nuk hyj në zgjedhje dhe hyri. Boll! Nuk e haj për herë të tretë unë.

Gjatë bisedës Agron Duka përsëriti: Ne si parti Agrare Ambientaliste jemi me mendjen top që do të hyjmë në zgjedhjet vendore. pavarësisht se ky Kod Zgjedhor është kundra nesh. Në fund të fundit japim kontributin tonë dhe bëjmë thirrje që ne të mund të bashkohemi e të bëjmë një grupim politik që të japim kontributin tonë.

"Nuk gjykoj që përmes protestave të mund të arrihet të rrëzohet Edi Rama të bëhet qeveri tranzitore dhe të shkojmë në zgjedhje. Unë vazhdoj të ngul këmbë e të them që një kombinim i parlamentit dhe protestat popullore që duhen kapur e përkrahur nga opozita, me përmirësimin e Kodit Zgjedhor, gjykoj që mund të hyjmë në zgjedhje.

Në këto kushte, dhe Kodi zgjedhor, që është  shumë e vështirë që mund të bëhen zgjedhje normale, e megjithatë edhe ashtu siç është ne do hyjmë në zgjedhje. Edhe nëse Basha thotë që ne nuk do hyjmë në zgjedhje. Nuk bie për herë të tretë viktimë e Bashës."

EMISIONET