Ngatërroi aeroportin, aeroplani del nga pista e shpërthen në flakë, 1 i mbijetuar

Një Boeing 707 i Forcave Ajrore në Iran është rrëzuar në një zonë të banuar.

Nga përplasja dhe shërthimi i aeroplanit në flakë kanë vdekur 15 nga 16 personat në bord, raporton Russia Today.

I mbijetuari i aksidentit të rëndë është gjetur dhe është dërguar në spital.

Ushtria iraniane njoftoi se aeroplani u rrëzua në aeroportin e Karajit, në perëndim të Teheranit.

Boeing u nis nga Bishkek, Kirgistan dhe po dërgonte mish në Iran.

'Një Boeing 707 që mbante një ngarkesë nga Bishkek, Kyrgyzstan do bënte një ulje emergjente në aeroport sot. Mekaniku i aeroplanit dërguar në spital,"-tha Ushtria Iraniane.

Aeroplani duhej të ulej në aeroportin e Payam të Karajt, por piloti e ngatërroi një aeroport tjetër që ndodhej afër tij, atë të Fath, i cili nuk është i përshtatshëm për avionët që transportojnë ngarkesa.

Si pasojë, piloti humbi kontrollin e aeroplanit, që doli jashtë pistës dhe goditi muret që ndanin aeroportin nga zona e banuar.

Ai u coptua dhe shpërtheu në flakë. 

Ndërsa operacioni i kërkimit dhe shpëtimit vazhdon, deri tani janë gjetur shtatë trupa në vendin e rrëzimit.

Autoritetet e Iranit raportuan se Boeing ka goditur banesat pranë Safadasht, , një qytet i vogël në provincën e Teheranit.

Boeing 707, një avion me katër motorë, hyri në shërbim në vitin 1957.









EMISIONET